काभ्रे जिल्लार्वे अर्जुनबहादुर लामाई शेवे आरोप लैदिवे ओसोवे माओवादी नेता अग्नी साप्कोटालाई नेकपाई सभामुख बनिउ निर्णय लामाल्वे प्ह्रेस्यो पूर्णिमायाई आपत्ति लैमो ।
पूर्णमार्या ङ्यो ह्युलरी न्याय म्हम्हई याइ भिईमो । पूर्णिमायाई खिल्वे बुढा सेउलेरी कोवले अग्नी सापकोटा सभामुख तम्हेवे ताँ खिई तोको थाहा योउले भिइमो । पूर्णिमायाई म्हि सेवेम्हिझोगो ह्युलर्वे थेवे पदरी फेमनामे जेलरी थेप्रिवेलाई तले थेवे पदरी थेम्हेव हो ङई आकोईमो भिईमो । अग्नी सापकोटालाई काइमरी अनुसन्धान लैमरी न्यायलयरी बोदो भिईमरी सरकारनी माग लैमो । अग्नी नि टुउलो म्हीझोगोई अर्जुन बहादुर लामालाई सेवे उजुरी दर्ता तैमो । प्रहरीझोगोई भे सापकोटा फरार मो भिईमरी आलटाल लैमो । खाईभिले ङई ताँ रेमिया न्याय योमल्की भिईमो । आतभे अपराधीझोगोई शासन लवे क्ल्होरी तो न्याय योलैर भिइमो । सापकोटालाई सभामुख आङी सजाय योलपरिम भिईमो पूर्णिमाई । काभ्रेरी दाप्चारी मवे श्रीकृण्णमाविल्वे व्यवस्थापन समितिल्वे अध्यक्ष मला अर्जुन बहादुर लामा । अर्जनलाई माओबादी कार्यकर्ताई ६२ साल बैशाख १६ गते अपहरण लैमरी सेल । लामालाई पिउरी माओबादी कार्यकर्ताई तीन लाख रुपैया पिरौती नि किल भिईमरी भिइमो ।
साभारः विकास टाईम
