तमु टाईम्स
४ असार पोखरा
ग्ण्डकी प्रदेशरी थेवे विपक्ष एमाले संसदीइ दलई नेता पृथ्वीसब्बा तमुुई संधीयतालई पोले लउरी खि पल्लेई ल्हैदिव प्रदेश सरकारलाई ल्होमिब भिईमो । मुख्यमन्त्रिी कृष्णचनद्र नेपाली पोखरेललई थेवे विश्वासई मत किवे प्रस्तबरी प्रदेश सभारी तवे छलफलरी भाग किम्दै ओसोवे मुख्यमन्त्री तवे तमुुई संघीयता पोले तय मात्र लोकन्त्र बलियो तब भिईमो । प्हनवे दिनरी क्योमेल्वे सरकार तलखाम च त्हीरी नि संघियतालाई पोले लउरी ताँ रेउरी खालपरिम तमुुई भिईमो संघितालाई पोले लउरी चुसरकार छ्याल्ले ल्हैदिमभे एमाले कतित्हिर भिले नि सहयोग लउरी तयार मो भिईमो ।
संघीयताल थेवे ताँ लब तर तोईनि भुमिका आक्ल्होब म्रोईमो भिम्दै तमुुई संघियता कार्यानवयनरी काठमाण्डौई नेताझोगोनि सेरी समस्या मो भिईमो । तर शासकिय क्षमता नि सिष्टम खाँलउरी म्हेईभे खले तम चल्वे प्रतिबाद लव भिईमरी चेतावरी विईमो तमुुई ।
सम्बोधनई ओसोरी तमुुई मुख्यमन्त्री पोखरेललई प्रदेशसभारी तवे ५९ सदस्यमध्ये ताईभन्दा परिपक्क नि सालिन नेतृत्व तब भिईमो । राजनितीक इतिहाँस तवे जानरीईटो खबे पोखरेलई विश्वासई मत आपि विउरी गाह्रो तउले तमुुई भिईमो । तर पोखरेलई खि नेतृत्वई सरकारई मत ह्रिई भिम्दै तमुुई “मुख्यमन्त्री सद्वभाव मो तर च असरवादी दलझोगोल्वे गठबन्धनई रुपरी सरकार बनिउले मो चुलई समर्थन लउरी आखा”
