चिनर बिई राष्ट्रपती सिई नेपालरब भ्रमण ऎतिहासिक – Tamu Times

चिनर बिई राष्ट्रपती सिई नेपालरब भ्रमण ऎतिहासिक

कुमार तमु, काठमाण्डौ।

चिनरब राष्ट्रपती सि जिनपिङैइ नेपाल भ्रमणैइ परिणाम ऎतिहासिक तब बिसुम। चरी ट्रान्स हिमालय कनेक्टिभिटी नेटवर्कैइ नया खाकाईन मो।राष्ट्रपती सि २५ गते शनिबार नेपाल खसिन मो ।भारतिय प्रधानमन्त्री  नरेन्द्र मोदि नि प्री ङिह दिन अनाैपचारिक सम्मेलन लैइर भारतैइले नेपाल खसिन मो।राष्ट्रपती तहर्ब चु चिनैइले २३ बर्ष लिसोर्ब पहिलो पटक तसिन मोबा नेपाल भ्रमण गो।भ्रमण होसा चिनरब उपबिदेश मन्त्री लुओ झाओहुईर बेइजिङर बिला चु ऎतिहासिक भ्रमण गो।चु भ्रमणैइ महत्व नि प्री प्रभावईन ऎतिहासिक तरम बिई।बेल्ट एण्ड रोड इनिसिएटिभ बि आर आई अन्तर्गतर्ब ट्रान्स हिमालय केनेन्टिभिटी प्रोजेक्ट झोगोईन मो।उपमन्त्री लुओई अनुसार सिई भ्रमणर नेपाल नि प्री चीनैइ द्विपक्षिय सम्बन्धैइ राजनितिक आधार अझ मझबुत लरम बिस्या बिआर आई अन्तरगतर्ब बिकास आयोजना झोगोमैइ खाकाईन तसिनमो। ङिउलो पक्षर बिआर आर सहकार्यलैइ मझबुत लब नि प्री ट्रान्स हिमालय बहुआयमिक कनेक्टिभिटी नेटवर्कलैइ गति बिबा समेत उपमन्त्री लुओर बिसुम।सिई भ्रमणैइ तिहिरी बन्दरगाह रेल दैइ क्याई सन्जालैइ बारेर देन महत्व पुर्ण सहमती जुट्दिबै बिस्वासै किबैइन चिनियाँ उपमन्त्रीर बिई।