कात्तिक १०,पोखरा
बि. सं. १८२४ असोज १५ गते सिन्धुली गढिर अङ्ग्रेज फौज नि बंशु गुरुङै फौज नेबले बंशु गुरुङै फौजै अङ्ग्रेज फौजलाइ पराजय लब इतिहास मो ।
आधुनिक हातहतियार सहित नेबरी खबै अङ्ग्रेज फौजलै बंशु गुरुङै फौजै भाला,तरबार नि त्हले प्रीमरी ल्हाब गो । चु छतबै थेवा वीर योद्धा बंशु गुरुङलै नेपाल सरकारै वास्त आलबै गुनासो च नासर्बे म्हिमे लैमो । शालिक अनबरत लम्दै गण्डकी प्रदेसरबे क्र थेवा पृथ्वी सुब्बा गुरुङै बंशु गुरुङै योगदानै प्रसम्स ललो ।
शुक्ला गण्डकी नगरपालिका -१२ जसपुर नासरी चु बंशुइ शालिक बनेमो,राज्य सरकारै टो तोइ सहयोग आलरी खेइ सन्ताननै २४ लाख म्हुइ खर्च लएर शालिक बनेउले गो । क्या. लालजङ्ग गुरुङै अध्यक्षतर तबै कार्यक्रमरि शुक्ला गण्डकी नपा मेयर किसान गुरुङ ,उपकुलपति डा. जगमान गुरुङ ,बिनुकुमारी गुरुङ नि पोलो । कार्यक्रमरी पोबै त्हान वक्तमै बंशु गुरुङ दे तबै ल्हे योद्धामे अझै गुमनाम मोमन चु छतबे योद्धामेलै सरकारै म्हेमरी सम्मान ललपरिबे ताँ थेलो ।
