बस कुह्रइमरी कु जना सिइ, प्लिच्यु ङि घाइते – Tamu Times

बस कुह्रइमरी कु जना सिइ, प्लिच्यु ङि घाइते

कात्र्तिक तिच्यु ङि पोखरा,
हुम बहादुर च्ह्याक्ली तमु

सिन्धुपाल्चोक सुकुटेरी बस कुह्रमैले सिबे म्हि कु जना फेईमो । दोलखाल्वे सैलुङ गाउपालिका मागा देउरालीईटो काठमाण्डौ खउले बा २ ख ७२४५ नम्बरल्वे बस सुनकोसी नदीरी झमिैले कु जना सिई भिइमरी सिनधुपाल्चोकर्वे प्रहरी नायव उपरीक्षक माधवप्रसाद काफ्लेई जानकारी बिईमो । दुर्घटनारी ४७ जना म्हिझोगो घाइते तैमो । नदीरी गरियावे बसरी उद्दार अझैबनी लसे मो सिवे म्हि नि घाइते तवे म्हिझो अझै बडिखाम भिईमरी च म्हिई भिईमो ।
उद्दार लदिमैले तान सिवे म्हि नि घाइते तवे म्हिझोगो ङोसेल आखैमो । घाइतेमध्ये ४६ जनाल्वे धुलीखेल अस्पतालरी मोइ लदिईमो । अर्का क्रिलाई बनि स्थानीय स्वास्थय संस्थाइटो धुलीखेल फेलउ तयारी लदिईमो भिईमरि डिएसपी काफ्लेई जानकारी विईमो । नदीरी बस कुह्रैसरे नेपाल प्रहरी, सशस्त्र प्रहरी नि स्थानीय म्हिझोगा उद्दाररी जुटेइमो । प्रहरी भिवे अनुसार कति म्हिझोगो नदीई बगरे भोयाखाउले शंकाझोगोइनी लैमो भे म्हेउरी अझैनी प्रयासझोगो लसेमो ।