च्योतोई म्हि स्याई – Tamu Times

च्योतोई म्हि स्याई

तिच्यु कु, कात्र्तिक, पोखराबर्दिया राष्ट्रिय निकुञ्जरी च्योतोई आक्रमणरी परी निकुञ्जर्वे हात्तीसाररी के लवे कर्मचारी माहुते सिई । ठाकुरबाबा नगरपालिका–७ मोहनपुर धिं म्हवे प्लिच्यु ङ्हि बार्षर्वे मंगरु थारु सिई । निकुञ्जन्होरी गैडा मचन नजिकै हात्तीलाई छि थोउरी याउले थारु च्योतोइ आक्रमणरी परी सियाउले बर्दिया राष्ट्रिय निकु१जल्वे प्रकृतिक संरक्षण कोषर्वे संरक्षण अधिकृत रविन कडारियाई भिला । थारु ङ्हिच्यु ङ्हि बर्षइैटो हात्तीसाररी करार कर्मचारीई रुपरी के लल । हात्ती किइमरी बनरी ङ्होवे थारु हात्तीइटो झरिइमरी हात्तीलाई कि छि थोबे त्हिरी एक्कासि च्योतोई आक्रमण लैमरी प्रे मिटर रेगो भोलो । निकुञ्जरी हात्तीनि प्रेवे टोलीई हल्लाखल्ला लैमरी थारुलाई म्हेसरे च्योतो भौदियाल ।
हुम बहादुर च्ह्याक्ली तमु ।