तनहुँरी सांस्कृति नि पर्यटन महोत्सव शुरु – Tamu Times

तनहुँरी सांस्कृति नि पर्यटन महोत्सव शुरु

कात्र्तिक ङ्हिच्यु, पोखरा
हुम बहादुर च्ह्याक्ली तमु

तनहुँरी आन्तरिक पर्यटक पखउउ उद्देश्यई तिकोतो दमौलीरी तनहुँ साँस्कृतिक नि पर्यटन महोत्सव सुरु तैमो । सरकारै घोषण लवे पर्यटन भ्र्रमण बर्ष २०२० लाई सहयोग लउरी जिल्लर्वे धार्मिक नि पर्यटकीय क्ल्हो घुम्दीउरी निम्तो विउरी नेपाल आदिवासी जनजाति महासंघ जिल्ला समन्वय परिषदै आयोजनारी व्यास नगरपालिका–४ सिमलटाररी प्हिप्ले महोत्सव शुरु तौमो । महोत्सवइटो जिल्लारी ऐतिहाँसिक धार्मिक नि पपर्यटकस्थल घुम्दीउरी आन्तरिक पर्यटकझोगोलाई भिउ महोत्सव मुल समारोह समितिल्वे संयोजक बसुन्धरा घर्तीई जानकारी पिइमो । सरकारै घोषण लवे भ्रमण बर्षलाई सफल बनिउरी ङि तालै दायितव अ, महोत्सवलाई भ्रमण वर्षल्वे प्रचारप्रसार लउ माध्यमै रुपरी किइमो । संयोजक घर्तीई महोत्सव ङ्हेउरी खवे पर्यटकझोगोलाई जिल्लारी मवे विभिन्न संस्कृतिक नि धार्मिक क्ल्होझोगोई भ्रमण लमिउ लक्ष्य नि किइमो भिईमरी भिइमो ।
महोत्सवरी प्रबक्ता नन्दु थापामगरै स्थानीइ भाष, धर्म कला नि संस्कृतिल्वे प्रबद्र्धनै लागि स्वदेशी नि विदेशी पर्यटकलाई आकर्षसित लउ उद्देश्य मवे जानकारी विइमो । तनहुँ जिल्ला ६५ प्रतिशत आदिवासी जनजाति टिवे क्ल्हो अ । जनजाति बाहुल्य म्हवे क्ल्हो तमैले सांस्कृतिल्वे प्रबद्र्धन लैमरी पर्यटन व्यवसायल्वे विकास लउ महोत्सव अवधिभरी विविध संस्कृति भल्कदिउ सांस्कृतिक कार्यक्रमझोग प्रदर्शन लमो । दुई सय तिस स्टल म्हवे महोतसवरी रु तीन करोड बराबरल्वे आर्थिक कारोबार तउ नि तिन लाख दर्शकझोगो महोत्सव ह्यो लक्ष्य किइमो भे महोत्सवइटो आम्दानी तौउ मुई महासंघल्वे अधुरो कार्यालय भवन बनिउ नि जग्गा किउतिर लैदिवे छे फोव आयोजकै भिइमो । जिल्लारी मेला महोत्सव शुरु आदिवासी जनजाति महासंघै लइमो । वि.सं २०६३ री महासंघै पहलरी ओसो सांस्कृतिक महोत्सव आयोजना लैमरि चैलिलि प्रत्येक वर्ष विभिन्न् संघसंसथई महोत्सव लउ रोस चलिइ खैमो ।