इतिहाँसरी ओसोचोटी तमु प्ये ल्हु संधल्वे निर्वाचन, अध्यक्षरी फेरी: हितकाजी टु क्ल्हेप्री तमु – Tamu Times

इतिहाँसरी ओसोचोटी तमु प्ये ल्हु संधल्वे निर्वाचन, अध्यक्षरी फेरी: हितकाजी टु क्ल्हेप्री तमु

कात्र्तिक ङिच्यु टु, पोखरा,

तमुझोगोल्वे धार्मिक संस्था तमु प्ये ल्हु संघ केन्द्रिय समितिल्वे अध्यक्ष फेरी हितकाजी टु तमु निर्विरोध निर्वाचित तैमो । संघै चु कात्र्तिकै २३ नि २४ गते पोखरारी सम्पन्न २९ औ बार्षिक साधारण सभा नि ङि अधिवेशनै तमुलाई फेरी अध्यक्ष (म्रु) निर्वाचित तौले अ । इतिहाँसरी ओसा चोटी तमु प्ये ल्हु संघल्वे निर्वाचनइटो पदाधिकारी छानिउले अ । उम्मेदवारी परिवले मध्ये बरिष्ठ उपाध्यक्ष्ँ गण्डकी पदैदेश प्रमुख, महासचिव, सह महासचिव, उप महासचिव नि कोषाध्यक्षल्वे पदरी निर्वाचन तलो । हितकाजी टु तमुल्वे अध्यक्ष मवे ३५ सदस्यीय नयाँ कार्यसािति निर्वाचित तैमो । १०३ म्हिई मत भिउलेर १३ बदर तैमरी ९० मत सदर तल । संघल्वे निर्वाचित अरु पदाधिकारीरी वरिष्ठ उपाध्यक्षरी आइ बहादुर ल्हेगे तमुई ७१ मत पखइमरी निर्वाचित तै भे प्रतिद्वन्दी शान्ती पुर्ज तमुई २१ मत खई ।
प्रदेश नं १ का उपाध्यक्षरी गणेश बहादुर ल्हेगे तमु निर्विरोध निर्वाचित तैमो भे गण्डकी प्रदेशल्वे उपाध्यक्षरी भोजराज ल्हो तमुई ७१ मत पखैमरी निर्वाचित तई भे प्रतिद्वन्दी बेन तमुई १२ नि क्षेत्र बहादुुर तमुई ४ मत पखई । प्रदेश नं ५ ल्वे उपाध्यक्षरी सुब्दार डिल बहादुर प्हच्यु तमु नि प्रदेश नं ७ री रामबहादुर तमु निर्विरोध निर्वाचित तैमो । प्रदेश नं ३ नि ६ री लिलि मनोनीत लमो । कहासचिवरी हर्क योंज तमुई ५६ मत पखईमो भे प्रतिद्वन्दी बुद्धि च्हमु तमुई ३३ मत पखईमो । कोषाध्यक्षरी ओम थिम्जे तमुई ६७ मत पखईमो भे प्रतिद्वन्दी कन्चर ल्हेंगे ३० मत प्रँप्त गरे । उपसचिवरी इन्द्र तमुई ५८ मत पखई भे प्रतिद्वन्दी लोकेन प्हच्यु तमुई ३० मत पखई । सचिवरी सीता क्रम्छे तमु, सहसचिवरी देमाया टु नि सहकोषाध्यक्षरी शेखर ल्हेगे तमु निर्वाचित तैमो । छलेइनै सदस्यझोगोरी राजमाया तमु स्याङजा, तिल प्रसाद टु तमु नवलपरासी, तिलक न्हाँनसी तमु युएई, राजन त्हर तमु गोरखा, मञ्जु कुब्छे तमु, कास्की, पूर्ण पुष्पकला क्रोम्छे तमु, कास्की, महेन्द्रजंग टु तमु, कास्की, सुर्यबहादुर ल्हों तमु, तनहुँ, अंचल प्ल्हे तमु तनहुँ, डिलमाया क्होला तमु कास्की, षेत्रबहादुर थिम्चे तमु कास्की, एकजंग प्ल्हे तमु कास्की मन बहादु क्होला तमु, नवलपुर, धर्मराज ल्हेगे तमु मोरङ, निनिमाया प्हचयु तमु काठमाण्डौ, मनजु घले तमु, रोल्पाईटो प्रतिनिधितव तैमरी निबाचित तैमो । संघ इतिहाँसर्वे ओसो निर्वाचनइटो कार्यसमिति निर्वाचित तैमो । संघई ३० वर्षइटो तमु समुदायल्वे धर्म भाषा, संस्कार नि संस्कृतिल्वे संरक्षण, सम्वद्र्धन, प्रँबर्धान नि प्रचारप्रसारल्वे के लइखउले मो । ङ अधिवेशन सभा नि २९ औ बार्षिक साधारण सभा तमु प्ये ल्हु संघ केन्द्रीय समितिई आयोजन ललभे तान टिव, चवे नि रोवे व्यवस्था तमु प्ये ल्हु संघ जिल्ला कायसमिति कास्कई लल ।