गाबु डाँडा ल्होसार मेला २०७६ – Tamu Times

गाबु डाँडा ल्होसार मेला २०७६

मंसिर १७, पोखरा,

हुम  तमु (च्ह्याक्ली)
स्याङ्गजारर्वे विरुवा गाउँपालिका वडा नं–२, गाबु डाँडारी गाबु डाँडा ल्होसार मेला २०७६ आयोजना लउ तैमो । आसोकोतो मादिईखउले ल्होसार श्री कमल चक्र युवा क्लबल्वे २५ औं बार्षिकोत्सव (रजत जयन्ती) तवे तो भे विशेष मेला आयोजना लसेमो । स्थापना कालाईतो तोकोसम्म विभिन्न कार्यक्रमझोगो लैमरी चु अवस्थासम्म फेखवेत्हिर वेले थेव लैमरी मादिउ आयोजना लसेई मो । तमुमेल्वे १२ ओटा ल्होझोगोल्वे मध्ये तोकोवे ल्हो फो ल्होलाई विदाई लैमरि तोरे खउले ल्हो च्यु ल्होलाई स्वागत लइमरी ल्होसार मादिम । तमुमेझोई ह्रोसेई चाडलाई मादिल्परिमो ख्याउल्वे भन्दाईनि भिवे चेतनाई लमाईले तोको तान क्ल्होरी तमुमेझोगो छलेईनै मादिई खवे तिर चु क्ल्होरैनी मादिईमरी खैमो । ल्होसार मेला २०७६ री विभिन्न कार्यक्रमझोगो मो, राष्ट्रिय स्तर चर्चारी खवे कलाकारझोगोल्वे प्रस्तुति, दाइमेझोगोल्वे भलिबल प्रतियोगिता, छेलो ल्हिव, रसी तानिव, घैटो फक्तिव नि विशेष आदिवासीरी पुरानो रोटे कुदी, स्थानिय कृषि प्रदर्शनी तमो ।
भलिबल प्रतियोगीताल्वे प्रथम पुरस्कार ५५००० नि द्धित्तिय पुरस्कार ३५००० लैमो भे विभिन्न प्रतियोगितारी आकर्षक पुरस्कारझोगोई व्यवस्था लउ जानकारी पिइमो । मेला २०७६ मंसिर ११ रि भलिबल उत्द्घाटन तैमरी १४ गते फाइनल तमु भे १४ नि १५ गते बार्षिकोत्सव नि ल्होसार औपचारी कार्यक्रम तमो । मेलारी तवे खर्च तोईमरी ङेवे मुई नासर्वे विकासै केरी खर्च लब भिईमो । खानसम्म तान विरुवा गाउँपालिकार्वे तमुमेझोगोलाई बनि समेटिइमरी मादिउ प्रक्रियाझोगो चलिसे मो भिईमरी जानकारी विइमो भे तान आगु छिमेकी, नासामे आफन्तझोगो तानलाई चु मेलालाई भव्य नि सभ्य रुपरी सम्पन्न लउरी आर्थिक, भौतिक, नैतिक रुपरी सहयोग लउरी अनुरोध लैमो ।