गाबु डाँडारी च्यु ल्होसार बेले छ्याल्ले मादिई – Tamu Times

गाबु डाँडारी च्यु ल्होसार बेले छ्याल्ले मादिई

पौष १७, पोखरा
हुम तमु (च्हाक्ली)
प्ये म्हस्याँ छ्या म्हमु, छ्या म्हस्याँ ल्हु म्हमु, ल्हु म्हस्याँ म्हि म्हमु, भिवे मन्त्रलाई किईमारी स्याङ्गजार्वे विरुवा गाउँपालिका–२ टोल नं. ४ गाबु डाडारी तमुमेझोगोल्वे थेवे चाड ल्होसारै अवसररी श्री कमल चक्र युवा क्लबल्वे २५औ बार्षिकोत्सव (रजत जयन्ती) वेले छ्या तै । कार्यक्रमरी माननिय प्रदेश सभा सदस्य मिन बहादुर तमुइ प्रमुख अतिथ्यतारी विशेष अतिथि संविधान सभा सदस्य टेकु नेपाली, नेकपा प्रदेश कमिटि सदस्य शैलेन्दै घिमिरे, गाउँपालिका अध्यक्ष चुन प्रसाद शर्मा, अतिथि बुद्ध बहादुर आले, वडा प्रतिनिधिहरु लगाएत विभिन्न अतिथिझोगो खईमरी बेले छ्याल्ले आशिमालाझोगो बिइमरी रमाइलो लैमरी मादिई मो । औपचारी कार्यक्रलाई पालरी बत्ती कइमरी उद्घाटन प्रमुख अतिथि माननिय मिन प्रसाद तमुई योइटो लैमरी क्लबर्बे २५ औ बार्षिकोत्स (रजत जयन्ती) अवसरी तेवे किताबैनि प्रमुख अतिथिई योइटो विमोचन लल।कार्यक्रमरी स्व. मेख बहादुर थापा नि तोरण तमु स्मृती भलिबल खेलरी १२ टिमरी बालकन्य युव क्लब विरुवाई ट्इ भे युनाईटेड युवा क्लब भे उपविजेता तैमो । विजेता टिमै रु ५५०००, उपविजेताई ३५०००, मुई नि शिल्ड प्रमाण पत्रझोगो योई छलेइनै भेट्रन्स खेलरी मोचाबारी गाबु डाँडा टिमलाई ट्होइमरी ओसो तैमरी रमाईलो लल । कार्यक्रमरी राष्ट्रिय स्तररी ख्यती योवे कलाकारझोगो दिपक थापा मगर, मञ्जु वि.क, उषा तमु, मनिषा तम, खिम रेश्मी मगर, रेशम राना, सुमन तमु, डिलमाया तमु लगायतई कोई प््िरहइमरी रमाईलो लल भे नेस्योलव कलाकार दिपक थापा मगरै कार्यक्रमलाई अझ रमाइलो लल । छलेइनै क्लबर्वे सदस्यझोगोई नि साँस्कृतिक कार्यक्रमझोगो तेइमरी दर्शकझोगोई से ट्होला । खवे अतिथिझोगोलाई स्योम्वे पिर्के कुती मेलैमरी सम्मान लैमो । ह्योउरी खवे तान दर्शकझोगोलाइ कुती मेलल ।