कुसुण्डा क्यूई ह्रबे थेवे म्हि म्हई – Tamu Times

कुसुण्डा क्यूई ह्रबे थेवे म्हि म्हई

२०७६ माघ १४ पोखरा

हुम बहादुर च्हाक्ली तमु

सत क्रि सम्म् नइमरी थलपरिवे कुसुण्डा भाषाल्वे क्रि मात्र ह्रवे प्रह च्यु ङ्हि (८५) वर्षल्वे ज्ञानीमैया कुसुण्डाल्वे शनिबार म्हइ । लमही नगरापकिला ट्हु कुलमोहररी टिवे धिंरि म्हउले खिल्वे बुहारी आशा पुनई जानकारी पिई ।
पुष ङ्हि च्यु प्रह (२८) तिप्लेरै ज्यु घुम्दीईमरी लरेईमरी ज्ञानीमौ थल परिलो । मोइृ लौरी लमही तैमरी मेडिकल कलेज कोहलपुर भोयाईर बनी आसईमरी धिंरी खल कुसुण्डालार्य दिमागरी डिजेनेरेटिभ चन्जेज (उमेर बढीइमरी यामैले मस्तिस्कई सेलझोगो खाखाई याइमरी नि दम रोगल्वे समस्या तउले मोई लउले फ्लोरेनस अस्पताल लमील्वे डाक्टर पुष्पा भुसालई भिला ।
लेई बेलाकोतो कुसुण्डा भाषल्वे संरक्षणरी म्हवे ज्ञानीमैया नबे त्हिर बेहोस तवेत्हिररैनि कुसुण्डा भाषरै बर्बरेल । कुसुण्डाल्े क्रि च्ह नि ङ्हि च्हमी मो । च्हल्वे टु वर्षओसो करेन्ट लैदिइृमरी सिल । च्हमीझोगो विवाह तखाई । खि बुहारी नि नाती नातिनीनी प्रे तिइमरी खल ।
च्योनेरी बनरी टिवे ज्ञानीमैयाई आमाबवाइटो ल्होवे कुसुण्डा भाषालाई तोकोसम्म सोलैमरी थेला । कुसुण्डा जातील्वे बनरी टिवेउ ल्याईले भाषा संस्कृति नि संकाटरी परिवे मोला । ज्ञानीमैयाई भाष संरक्षण अरुलाई बनी ल्होमिइमरी खल । ज्ञानीमैयाई सहयोगार्यटो लमहीरी भाषा आयोगई कुसुण्डा भाषल्वे औपचारिक कक्षा नि चलिइमो । ओसोवे कक्षा पुरा तैमरी हि चरणल्वे सुरु लबे बेलारी खि सिवले मास्टर उदय आलेई भिला । साभार इ कान्तिपुर