कोरोनाई लमैले कोरिया यावे प्ली च्यु (४०) नेपालील्वे सरिई उडान – Tamu Times

कोरोनाई लमैले कोरिया यावे प्ली च्यु (४०) नेपालील्वे सरिई उडान

फागुन ११ पोखरा
हुम बहादुर च्ह्याक्ली तमु
दक्षिण कोरियारी कोरोनाभाईर लैदिउले बढिइमरी इपिएसईटो याउल प्ली च्यु (४०) नेपाली के लउले उडान टियाएमो । तिपना कोरियारी समेत कोरोनाभाईर लैदिवे म्हि दिनदिनै बढिइमरी याइमो । फागुन ति च्यु प्रे (१८) गते भिउले उडान टिबले इपिएस शाखार्वे क्र थे कृष्ण प्रसाद खनालई भिइमो । यावे हप्तारी इपिएसाइतो ति प््रह सो (१०३) जना केलउले कोरिया याउले खनालई भिइमो । तोकोलाई भिवे उडान सरीउले अ । कोरिया दुतावस नि छलफल लैमरी खेम भोयाब भिवे टुङ्गो लैदिमो खनालै भिईमो । आइतबरसम्म कोरोनाभाईरसई कारण कोरियारी ङउलो सिखाईमो भे साढे पाँच सय म्हि संक्रमित मो । संक्रमण तउले लेई थेगु प्रान्तरी मो । च क्लोरी केन्द्रविन्दु मादिइमो । कोरियारी भण्डै प्ली च्यु हजार नेपाली के लउम्हिझोगो मो । थेगुरी मात्र ङि हजार नेपाली मो । आइतबार सियोलरि नेपाली दुतावासई थेगुरी म्हबे नेपालीझोगोलाई छ्याल्ले टिदु भिइमरी सुचनाई नि जारी लैमो ।