२०७६ फाल्गुन १४ गते बुधबार, पोखरा
हुम बहादुर च्ह्याक्ली तमु
समाजबादी पार्टी नेपालर्वे संघीय परिषद अध्यक्ष, ओसोवे प्रधानमन्त्री बाबुराम भट्टराई खि नि अरु नेताझोगोल्वे सम्पत्ती छानविन ललपरिम भिईमरी भिईमो । बुधबार प्रतिनिधि सभाल्वे बैठकरी पोम्दै भट्टराई नासरी मबे च्योने धीं तवे सम्पत्तिई मात्रै नेताई काठमाण्डौरी महल बनिउरी आखाबा भिईमो । खि गणितरी चासो किवे नि अर्थमन्त्री नि तबले म्हि अ । लेई दुःख लैमरी ङ्योई कमाई काठमाण्डौरी महल बनिल आखा चुलवे लनेताझोगोल्वे काठमाण्डौंरी खले महल बनिई भिइमरी छानविन ललपरीम भिईमो । ङ नि ताईल्वे सम्पत्ति छानविन लले । भट्टराई भिईमो । तेल ङ्यो तान आगुमेझोगो विवे कोँय, जुक्ता चप्पल खेइमरी प्रमल तोको ङ्यो खले छले सुट बुट खेउले तै, खले छ्यावे गाडीरी क्रवेइमरी प्रइमो ।
प्रधानमन्त्री केपी शर्मा ओलीई तेह्रथुमरी मउले फिदे धीं म्रोइ भिइमो भिईमरी प्रधानमन्त्रील्वे भनदा गोरखारी खिल्वे धीं छ्याउले मो भिईमरी भिईमो ।
खले ङेलवे महल मो ? प्रधानमन्त्रील्वे उई तेह्रथुमल्वे धीं ङ्यामैले च भन्दा छ्याउले धीं गोरखारी ङलवे मो भिईमो । नासर्वे धी मउले ङ्यो प्रधानमन्त्रीझोगो काठमाण्डौंरी महल बनउरी खले फेई ? खि गणितरी चासो किउले नि अर्थमन्त्री समेत तउले म्हि तमईले खलेभिले हिसाव लमवैले बनी बाहिर म्रोउले सम्पत्तिई मात्रै नेताई काठमाण्डौरी महल बनिउरी आखाबा भिईमो । खि गणितरी चासो किवे नि अर्थमन्त्री नि तबले म्हि अ । लेई दुःख लैमरी ङ्योई कमाई काठमाण्डौरी महल बनिल आखा चुलवे छानविन लले । भट्टराई ओली सरकारई ङ्हि वर्षरी म्हिइलागी काक्कलाई बेल मिई हर्ष नि विस्मात भिउदुले तई भिईमो । भट्टराई खि प्रधानमन्त्री तमईले माताथीर्थ, महादेवस्थान, सतुंगल निप्रे अरु क्ल्होरी मोहीईझोगोई कमेवे जग्गा दर्ता लउ निणय तउले भिईमरी भिईमो ।
