तमु संचारकर्मी संघ नेपालल्वे नयाँ कार्यसमिति बनिइमरी घोसणपत्र जारी लै – Tamu Times

तमु संचारकर्मी संघ नेपालल्वे नयाँ कार्यसमिति बनिइमरी घोसणपत्र जारी लै

२०७६ फागुन १८ गते शनिबार, पोखरा
हुम बहादुर च्ह्याक्ली तमु
तमु संचारकर्मी संघ नेपालल्वे ०७६ फागुनै तिच्यु टु (१६) गतेइतो सुरु तवे प्हिप्ले महाधिवेशनरी कु(९) बुँदे घोष्णपत्र लैदिईमरी चु आईतबार खाई । निर्वाचन मण्डलरी अध्यक्ष खिम घलेई च घोषणपत्र खेल । घोषणपत्ररी नेपालर्वे सञ्चार क्ल्होई संघीयतारी याउले देशल्वे शासन प्रणालीलाई ओसोवेलाई छ्याल्ले बनिउ भिम्दै चु ह्युललाई तान जनजाती नि तान समुदायल्वे ताँझोगा राष्ट्रिय सञ्चारमाध्यमझोगोई प्रसारण लउरी लैदिउरी नेपाल सरकारनी दे पल्ले भिव । नेपालर्वे संविधान अनुरुप संचारमाध्यमरी समेत तान किईमरी सिद्धान्तलाई किइमरी लैदिउरी लैदिव ताँझोगोइनी समेटिइमो ।
लमजुङल्वे क्होलासोथर गाउँपालिका बडा नं. टु पैको नासा (पस गाउँ) री शनिबार तवे महादिवेशनई नयाँ क्रथे बनिइमो (नेतृत्व चयन) । च महाधिवेशनरी गण्डकी प्रदेशल्वे आर्थिक मामिला नि योजना मन्त्री किरण तमुई उद्घाटन लल ।
महाधिवेशनरी रविन तमु (काठमाण्डौंै)ल्वे नयाँ कार्यसमिति बनिईमो । संघल्वे उपाध्यक्षरी चित्र बहादुर तमु, (लाला) काठमाण्डौं, महासचिवरी रोशनी तमु (कास्की), सचिवरी चित्र तमु (चितवन) नि कोषाध्यषरी दिपेन्द्र तमु (काठमाण्डौं) लाई बनिइमो ।
छलेइनै कार्यसमितिरी सदस्यझोगोरी मणीलाल तमु (कास्की), सिता तमु (चितवान), गजेन्द्र तमु (बाँके), रोहित तमु (सिन्धुली), नविन तमु (इटहरी), मिना तमु (लम्जुङ), केशव तमु (गोरखा), कुमार तमु(रुपन्देही), खिमा तमु (कास्की), नि किरण तमु (कास्की) मो ।