तमु संञ्चारकर्मी संघ, नेपाल, पोखरार्वे सदस्यझोगोलाई सम्मान – Tamu Times

तमु संञ्चारकर्मी संघ, नेपाल, पोखरार्वे सदस्यझोगोलाई सम्मान

२०७६ च्यु क्हुन्दा ङ्हि च्यु क्रि , पोखरा
हुम बहादुर च्हाक्ली तमु

मिलन फाउन्डेशन नेपाल नि तमुस्या रिं च्हमी क्ह्रिइमरी तिले पोखरारी तमु सञ्चारकर्मी संघल्वे केन्द्रीय सदस्य तवे कास्कील्वे तमु पत्रकारमेलाई स्वागत नि सम्मान लैमो ।
तोको लमजुङल्वे क्होला सोंथर गाउँपालिका वडा नं. ६ पैको नासरी तवे तमु सञ्चारकर्मी संघ नेपालल्वे प्हिप्लेल्वे राष्ट्रिय महाधिवेशनाईटो निवार्चित तवे महासचिव रोशनी तमु नि सदस्याझोगो मणिलाल तमु, खिमा तमु, नविन तमु नि किरण तमु नि गण्डकी प्रदेशल्वे म्रु अमिक शेशचनल्वे प्रेस संयोजक रुद्र श्रीषमगरलाई फाउण्डेशनल्वे संरक्षक सावित्री तमु नि तमुस्यो रिं च्हमील्वे अध्यक्ष गौरी मिलन तमुस्योई खादा, फेटा नि क्रमु कुमिइमरी सम्मान लल ।

च तिरी संरक्षक सावित्री तमुई तान पत्रकारझोगालाई खवे दिनरी झनै प्रगती लैमरी ओसो पढीउरी आशिमाला पिइमो । च कार्यक्रमरी मिलन फाउण्डेशनै चलिवे आयुर अर्गानिक कृषि फर्मल्वे बनि तिवे दिनरी के शुर लैमो । पर्वतल्वे मोदी गाउँपालिका वडा नं ५ खोला म्हम्रोरी बनिदिउले फर्मइटो तोरे खवे दिनरी ताँग, फलफुल, ताजा तरकारी नि कृषि सम्बन्धी तान सेझोगो रोलैउ मिलन फाउण्डेशनल्वे प्रबक्ता रुद्र श्रीष मगरै जानकारी पिइमो ।