में त्हले क्लोदारी शान्ता तमु समाज ओसो तै । – Tamu Times

में त्हले क्लोदारी शान्ता तमु समाज ओसो तै ।

फागुन ङ्हि च्यु टु, पोखरा
हुम बहादुर च्ह्याक्ली तमु,

तमु प्ये ल्हु संघ कास्कीई आयोजनरी तिले ट्ु तमु समाजझोगोल्वे में त्हले दिवस मनेई । में त्हले दिवसरी संघ कास्कीई ओसोवे वर्षरी दुले तितिम्वे वर्षरी बनि समाजझोगोल्वे सामुहिक में त्हले प्रतियोगिता नि क्रि में त्हले प्रतियोगिता नि तैई । प्रेई क्लोदारी पोखराल्वे प्रे(८) समाजझोगो तवे सहभागी तल । सहभागीरी शान्ता तमु समाज पोखराई कुल टु च्यु ङी अंक पखैमरी ताई भगी ओसो तैई ।


छलेइ हे तमु समाज भे टु च्यु ङ्््ही अंक पखैरी ङ्हि क्ल्होरी खैमो भे स्याङजाली तमु समाज भे प्ली च्यु टु अंक पखैमरी सों क्लोरी खल । प्रतियोगितारी क्होला दीप तमु समाज भे सों च्यु प्रे अंक पखैमरी प्ली क्लोरी खल ।
ट्होवे समुहई प्रेप्रेई तिच्यु ङा, च्यु, ङि, ङा, हजार (१५,१०,७,५ हजार) मुई योईमो । छलेई क्रि में त्हले प्रतियोगितारी शिव तमु ओसो, धनराज तमु ङ्हिसो, सुरज तमु, सोसो तैमो भे निम प्हच्यु तमु भे प्लीसो तैमो । छलेई नै च्हमेई प्रेप्रेई च्यु, ङी, ङा नि सों हजार योईमो ।


तमु प्ये ल्हु संघ केन्द्रिय समितिई अध्यक्ष हितकाजी टु तमुई प्रमुख आतिथ्यतारी तवे च प्रतियोगितारी संघ कास्कीई अध्यक्ष उमबहादुर प्हच्यु तमुई अध्यक्षतारी तल। महासतिव निम प्हच्यु तमुई चलिवे कार्यक्रमरी तिले तिच्यु ङी कक्षा खेवे तमु विद्यार्थीझोगोलाई बनी सम्मान लल । चु आर्चरी क्लोदा राष्ट्रिय प्रशिक्षक अमृत तु तमुई कार्यक्रमरी बनिउरी सहयोग लल ।