धिं क्वारेन्टाइन ह्रोसे क्वारेन्टाइनरी खले टिब ? – Tamu Times

धिं क्वारेन्टाइन ह्रोसे क्वारेन्टाइनरी खले टिब ?

४ चैत्र २०७६, पोखरा

१. हावा क्याइछुई तब कोठारी क्रिई टिव । अर्काे म्हिंनिप्रे टिलपरिया मिटर क्रि ह्रेगो टिब ।
२. छुट्टै ख्रुवे क्ल्हो नि क्लि त्होबे क्ल्हो बनिइर लब । चु आतईभे चर याखाइसरे छ्याल्ले सफा लवे ।
३. खि टिवे क्ल्हो खिई सफा लव ।
४. धि न्होरी ताई खिबे क्ल्हो के ह्योउले, क्लि त्होउलेरी याउरी च्युरे लब ।
५. स्वास्थया संस्था याउरी मात्र बाहिर याउ नत्र आयाब ।
६. घरी घरी यो साबुन क्युई मिच्दिइमरी ख्रुब, यो ख्रुइमरी मिखु, नखु नि सु आछ्युब ।
७. खिई किवे गिलास, कप, के चौले से, रुमाला, क्ल्हो, कोइझोगो, आरु सेझोगो ताँलइन छ्युलआमिब ।
८. अरु म्हिझोगोनि प््रणे टिउरी आटिव ।
९. अरु म्हिनिप््रणे आटिव टिइभे बाहिर त्होइभे, अस्पताल याइभे माक्स खेब ।
१०. प्हुइभे, हाच्छुयँु लैभे टिस्यु पेपर, रुमाल, नि कुइनोइै म्होरब ।
११. खिई किउले टिस्यु पेपर, रुपमाल,मास्क खेइमरी च्हलाई छुट्टै ब्योवे क्लहोरी ब्योब । व्योखाइमरी यो साबन क्युई ख्रुव ।
१२. स्वास्थय नि जनसंख्या मन्त्रालयईटो खवे सुचनाझोगो लब नि ललपरिवे सेझोगो लब ।
१३. क्वारेनटाइनरी टिवे त्हीरी खि ज्युई तापक्रम सधै तिप्ले जाँच्दीव, जाँच्दीवे विवरणझोगो भरिव । तिच्यु प्ली दिन सम्मबे तान खिल्वे विवरण झोगो तोक्दीवे स्वास्थ्य केन्द्रलाई जानकारी विव ।
१४. खतउले भिले नि ज्युल्वे समस्या म्रोइभे क्वारेन्टाइनरी टिवे त्हीरी अरु तोई समस्या तइभे तोक्दीवे स्वास्थ्य केन्द्रई भिवे केझोगो लब
१५. स्वास्थ्य नि जनसंख्या मन्त्रालय नि प्रे अनुमति आकिल्ले क्वारेन्टाइईटो बाहिर आयाव ।
सागर दाहाल
सहप्रबक्ता तथा स्वास्थ्य आपतकालीन तथा विपद व्यवस्पान ईकाई प्रमुख
स्वास्थ्य तथा जनसंख्या मन्त्रालय, सिहदरबार, काठमाण्डौ ।