तमुमेइ तोरे तवे जनगणनार धर्मरी बोन धर्म प्ह्रीब – Tamu Times

तमुमेइ तोरे तवे जनगणनार धर्मरी बोन धर्म प्ह्रीब

ङहीच्यु ङ, पोखरा,
हुम च्हाक्ली तमु
तमुमे तोरे खबे ङ्हीच्यु ङीच्यु प्रे (२०७८) सालर तब जनगणनारी बोन धर्म प््रहीब तैमो । तेल तमु प्ये ल्हु संघ केन्द्रीय समितिई लब अन्तरक्रिया कार्यक्रमरी तोरे खवे जनगणनारी धर्म प््रहीबे क्ल्होरी बोन धर्म प््रहीउ भिईमो । चु ओसो तमु प्येल्हु संघ जिल्ला समिति चितवई तोरेवे जनगणनारी बोन धर्म प््रहीउ भिईमरी ओसोवे महिनाकोतो अन्तरक्रिया नि प्रचार प्रसार अभियान चलिईमो । छलेई नै तमु प्ये ल्हु संघ केन्दैनी चितवान शाखै लवे अभियानरी प्रउरी ओसोबे हप्तारी कास्कील्वे रामादीरी अन्तरक्रिया कार्यक्रम लल ।
शनिबार तवे तमु प्येल्हु संघ केन्द्रल्वे अन्तरक्रिया कार्यक्रमरी क्रथे म्हिँझोगो ओसोंवे राज्य मन्त्री इन्द्रबहादुर तमु नि ओसोवे महानिरीक्षक हेम बहादुर तमु मल । कार्यक्रमरी क्याई छुई क्हृलउले केन्द्रिय महासचिव हर्क योजा तमुई लल ।
कार्यक्रमरी ओसोवे महामन्त्री नि ओसोवे आईजी ङही च्यु ङही प्रे (२०७८) री तवे राष्ट्रिय जनगणनारी धर्मल्वे क्ल्होरी तमुमेल्वे ह्रोसेल्वे मौलिक नि पहिचान विवे बोन धर्म प््रहीउरी देशरी मवे तान तमु समुदायरी अन्तरक्रिया अभियान चलिलपरिव भिईमो ।
तमुमेल्वे धर्म बोन तलेवनी धर्म फेरिव कारण ङो समुदायरी बोन धर्म मईमरी यासेमो । संघई देशन्होरी धर्म संस्कार संस्कृति संरक्षणनै लागि विभिन्न अभियान चलिइमरी खसेमो भिईमरी अध्यक्ष हितकाजी तमुई भिईमो । छले नै अध्यक्ष तमुई तोरे खवे वर्षरी तवे राष्ट्रिय जनगणनारी तमुल्वे बास्तविक नि मौलिक धर्मलाई थेउलागीरी चु अभियान व्यापक बनिईमरी याउ भिईमरी भिईमो ।
तोरे तवे ङही च्यु ङीप्रे सालल्वे राष्ट्रिय जनगणनारी तमुई तले बोन धर्म प््रहब ? बोन धर्म तो च ? अरु विषयझोगोईनि तमुमेझोगोलाई जानकारी विब भिइमरी कार्यक्रम चलिवे म्हिई भिइमो ।
तथ्याङक विभागरी डाटा ङहीच्यु प्लिप्रे (२०४८) सालरी तवे जनगणनारी प्लिच्यु सों (४०) जिल्लारी च्युसों च्यु हजार टु (१३००६) जनाई मात्र बोन धर्म प््रहल । च संख्यालार्य ङ्होमैले बजररी सोंच्यु प्रेप्र (३८००) नि नासरी कुहजार ङहीप्र टु (९२०६) म्रोइमो । चु जनगणनारी तमुल्वे जनसंख्य ङ लाख ङहीच्यु ङही हजार टुप्र प्लिच्यु क्रि (५२२६४१) जन मोल । च्हत्हीरी बजररी क्र लाख सोंच्यु ङि हजार सों प्र ङीच्यु क्रि (१३७३७१) नि नासरी सों लाख प्रेच्यु ङ हजार ङही प्र ङिच्यु (३८५२७०) जना टिउले म्रोल ।