पोखरारी कोरोनाई सिवे म्हिँलाई छ्याल्ले च्हिइ – Tamu Times

पोखरारी कोरोनाई सिवे म्हिँलाई छ्याल्ले च्हिइ

साउन २५, पोखरा
पोखरारी कारोना लैदिइमरी सिवे म्हिलाई पोखरा महानगरपालिका वडा नं ३२ मवे मजुवा घाटरी थेई । पश्चिमाञ्चल अस्पतालर्वे कारोना मोई लवे क्ल्होरी मोई लवे पोखरा १९ वे ६२ बर्षल्वे कोरोना लैदिवे म्हि शनिवास म्हिसर सिइमरी तिले सिवे म्हिलाई घाटरी भोईर थेल ।
चु ओसो सिवे ङिह म्हिलाई घाटरी थेमइले पुलिस नि स्थानीय म्हिझोगोनि प्होलेनि तिले भे छले आत भिईमरी कास्कीर्वे प्रहरी नायव उपरीक्षक नि प्रहरी प्रवक्ता सुवास हामालई भिईमो । चु ओसो ङही सिमिलाई च्हिवे त्हिर स्थानीय बेल्ले आमदिल तिले भे ओसो तान तयारी लैमरी सुरक्षा व्यवस्था बल्ले पोले लैमरी सिमिलाई च्हिल । स्थानियझोगोई तोई नि आभी । प्रबक्ता हमालई भिई ।
कोरोना ल्हैदिईमरी सिवे म्हि साउन १७ गते कोरोना लैदिवले थाहा योइमरी पश्चिमाञ्चल अस्पतालरी आईसीयुरी भर्न लल । मधुमेह रोग समेत मवे म्हि तेल म्हिसर ११ः३५ बजे मोय लदिमइले सिई भिईमरी स्वास्थ्य निर्देशनालयल्वे सह निर्देशक अर्जुन आचार्यई जानकारी बिला । सिवे म्हि कारोना ल्ेदिईमरी सिउले ओसोवे पोखरेली अ । चु ओसो पोखरा स्वास्थ्य विज्ञान प्रतिष्ठाननरी मोय लवे त्यहीरी सिवले ङिह म्हि सिल ।