सिन्धुपाल्चो, लिदीर्वे नासा छ्याँबे क्लहोरी भोयाव, गृहमन्त्री – Tamu Times

सिन्धुपाल्चो, लिदीर्वे नासा छ्याँबे क्लहोरी भोयाव, गृहमन्त्री

सोंच्यु क्रि, साउन, पोखरा
हुम च्हाक्ली तमु
गृहमन्त्री रामबहादुर थापाई सिन्धुपाल्चोर्वे जुगल गाउँपालिका लिदीर्वे नासालाई अरु क्ल्होरी भोयाइमरी छ्याँबे क्ल्होरी टिउरी क्ह्रलब भिईमो । टुई यावे क्ल्होरी शुक्रबार फेइमरी क्ल्होझोगो ङ्योइमरी टिवे क्ल्हो सारीब भिईमो । शुक्रबार न्हाखर याउले टुईरी च्यु क्रि म्हिँ सिईमो भे ङ्हिच्यु ङी म्हयाईमो । मन्त्रि थापाई तोरे झन लेई क्षती तवले म्रोइमरी बनी म्हिँझोगो ओसोकोतो जोगेईमरी च्युकुदे तउले भिईमो । सरकारई उद्धार केई छिटो ओसो बढीव नि फेरी बनिवे केलार्य छिटो बनिबा भिईमो ।
शुक्रबार गृहमन्त्री थापा राहत समन किईमरी च क्ल्होरी फेला ।
लिदी नासा दे जोखिम क्ल्हो मउले भिम्दै नासमेई प्रशासनलाई भिमाईले नि तोई आलामई छले तयाउ भिईमरी भिइमो । नासमे आर्काे क्ल्होरी नेसर सरीइमरी नाखर खमईले टुई यियाउले भिईमो ।
तोरे ओसोबे के बेपत्ताझोगो म्हेब नि उद्धार लबरी लैदिवे सुरक्षाकर्मीझोगो लैदिइमो भिईमो । उद्धार लखाईसरे टिवे क्ल्हो सारीईमरी पिडितझोगालाई छाँबे क्ल्होरी टिउरी क्ह्रलब भिईमरी भिईमो ।
तोको प्लिच्यु जानझोगोलाई योउले राहत फेलउले ताँईनि भिइमो ।
मन्त्रालय भिवे ताँ प्लिच्यु थान चाइनिज पाल, प्लिच्यु त्रिपाल सेट, प्लिच्यु सेट भाँडाझोगो, प्लिच्यु वटा व्ल्याकेट, प्लिच्यु म्याट्रेस, प्लिच्यु बाल्टिन, प्लिच्यु जग, ङच्यु प्लाष्टिक ग्यालिन, टुच्यु पञ्जा भोयाइमो । च्ह त्यहरी मन्त्री थापाई तोकोई राहात समन सरकारई ङिलाख भिईमो ।