तिले क्रि हजार क्रिप्र च्युक्रि म्हिलाई कोरोना म्रोई – Tamu Times

तिले क्रि हजार क्रिप्र च्युक्रि म्हिलाई कोरोना म्रोई

च्युक्रि भदौ ङ्हिच्यु हजार ङ्हिच्यु ङ्हि
हुम बहादुर च्हाक्ली तमु
विहीबार नेपालरी कोरोना क्रि हजार क्रिप्र च्युक्री लैदिउले स्याईमो । तिले सधैं लेवे प्रेस ताँरी स्वास्थ्य मन्त्रालयल्वे भिवे म्हिँ डा. जागेश्वर गौतमई सोंप्र सोंच्यु प्लि (३३४) नानिवे नि ङिप्र ङिच्यु ङि (७७७) दाईमे लैमरी क्रि हजार क्रिप्र च्युक्रि जनालाई लैदिवले म्रोई भिईमरी भिईमो । चुनिप्रे ङ्यो ह्युलरी कोरोना लैदिवले म्हिझोगो तोकोसम्म सोंच्यु ङ हजार ङप्र सोंच्युकु (३५५३९) फेई भिईर भिइमो । लिलि ङ्हिच्यु प्लि घण्टारी कोरोना सैमरी ङप्र टुच्युकु जना धिंर फर्केइ । चु निप्रे कारोना सवे म्हिझोगो ङ्हिच्यु हजार ङिच्यु सों फेईमो । तोको सम्म ङ्यो ह्युलरी रोगई स्याईमरी मोई लदिवे म्हिझोगो क्रिच्यु ङ हजार ङ्हिप्र ङिच्यु सों १५२७३ मो । धिंरर्वे आइसोलेशनरी टु हजार ङ्हिप्र च्यु म्हि नि संस्थारीवे आईसोलेसनरी कु हजार टुच्यु सों मो । लिलि ङ्हिच्यु प्लि घण्टारी पीसीआर क्रिच्यु ङ्हि हजार टुप्र ङ्हिच्यु कु जाँच्दील । तोकोसम्म टु लाख प्लिच्यु ङ्हि हजार प्रेप्र सय प्रेच्यु क्रि जना पिसिआर लइमो ।