गण्डकी ट्राफिक प्रहरीई छ्याँजलो अभियन – Tamu Times

गण्डकी ट्राफिक प्रहरीई छ्याँजलो अभियन

च्युङ भाद्र, पोखरा,
हुम बहाुदर च्हाक्ली तमु
गण्डकी प्रदेश ट्राफिक प्रहरी कार्यालय ट्राफिक प्रहरी नि गाडी चलिउले नि तान म्हिझोगो नि प्रे छ्याँब तउ उद्देश्यई प्रदेश न्होरी छ्याँजलो अभियान तलिइमो । ट्राफिक प्रहरीई तान म्हिझोगोनि प्रे क्ह्रिउरी नि छ्याँउले तौरी लोब, म्हिझोगो नि प्रे खले च्याब, ट्राफिक सुविधाझोगोलाई क्होलौरी सजिलो तदिगे भिईमरी प्रहरी कार्यालयल्वे भिवे प्रहरी नायब उपरीक्षक टेकबहादुर कार्कीई भिई ।
अभियनरी चेक पोष्ट, सीमा नाका, कार्यालयरी टिइमरी सेवा विव ट्राफिक प्रहरी कर्मचारीई सेवाग्राहीझोगोलाई मादिवे ताँझोगो नमस्कार लब, तोक्दीवे कानुनई भिउदुले केझोगो लब नि लिलि धन्यवाद (ज्ञाजसे) भिईमरी फेरी छ्याँजलो लब भिईमरी भिई ।