प्रदेश न्हम्बर ङा री आन्दोलन तैमो – Tamu Times

प्रदेश न्हम्बर ङा री आन्दोलन तैमो

भिम तमु
च्यु कु असोज, बुटवल
न्हेपाल ह्युलै प्रदेश न्हम्बर ङारी त्होको आन्दोलन तदिइमो । प्रदेश सरकार ङाई प्रदेशै राजधानी त्होको मदिब बुटवलउले दाङ जिल्लै भालुबाङ सारिब नि प्रदशै मी लुम्वीनी थेंब प्रस्ताब लब सेरे रुपन्देही जिल्लारी त्होको आन्दोलन तदिइमो । प्रतिपक्ष दल नेपाली काग्रेस नि बुटवल ट्होर् मबा ल्हे ल्हे संघ संस्था दगै छेले आन्दोलन लबा गो । आइतबार नेपाली काग्रेसै रुपन्देही बन्द आन्दोलन लल बिस्या चर्दुबा ल्हेल्हे संघ संस्थादगै बुटवल बजाररी थेब विरोध जु्लुश तेलो । च त्हीर पोम्दै चमै बु्टवलर जम्मन तिंदोग भौतिक सुविधा मबा लमनी धै ल्है ल्हे ताँइ ल्हागिर प्रदेश राजधानी छ्याँब तब ताँ बिम्दै ऐलानी क्ल्ह्यो मबा दाङ भालुबाङर् लल अ्हाखाँब ताँ बिलो । बन्द तबा त्हीरी थेबा तोडफोड आतलेन च त्हीरी खबा मुख्य मन्त्री शंकर पोख्रेलै गाडी लै आन्दोलनकारीई य्ुप इट्टा प्रींइर तीवा ताँ बुटवलले त्होंबा ह्रेकोंताँदगरी प्ह्रीइमो । आन्दोलनकारीई मुख्यमन्त्रीइ गाडी लै प्ह्रेम्नी खबा पुलिसै गाडी ङ्ह्यौलो लै तीयाइमो बिस्या च त्हीरी पुलिसै हवाई फायरैन ललो । पुलिसै नेपाली काग्रेसै नेता टुउलो लै तोडफोड लै विइर क्हालो । प्रदेश सरकारै लबा च निर्णयलै नेपाल कम्युनिष्ट पार्टी नेकपाउले ट्होबा च्युसे प्ली सांसाद मै आम्हादीबा ताँ विइमो । ह्याबा चुनावर् चु रुपन्देहीर्न प्रदेश राजधानी लबा बिइर चुनाब ट्होबा त्होको क्याई भुबा ताँ आम्हादिबा नेकपाईले ट्होबा प्रदेश सांसाद भोजप्रसाद श्रेष्ठइ बिइमो । बुटवलर्नी जत्ति छ्याँब क्ल्ह्यो दाङर् आरेबा ताँ बिम्दै क्याई बुल आतब ताँ सांसद डा कृष्ण न्यौपानेइ बिइमो । नेपाल कम्युनिष्ट पार्टी नेकपाई महासचिव निरो बुटवलले ट्होबा संघिय सांसद विष्णु पौडेलै प्रदेश राजधानी दाङ भुवा निर्णयलै सच्चीदिवा ल्हागिरी अध्यक्ष ओली नि प्रचन्ड नि विइमो । छुइ नेपाल आदिवासी जनजाति महासंघ संघिय परिषदै प्रदेश ङाई मी लुम्बिनी थेबा ताँ लै विरोध लैमो । परिषदै अध्यक्ष जगत बरामै विज्ञप्ती तेम्दै प्रदेश न्हम्बर ङारी मगरात थरुहट विसी ङोसेबा क्ल्ह्यो तवा लमनी लु्म्विनी मी आम्हादिव ताँ बिइमो । आदीवासी जनजातिई आन्दोलन ङोसेल्लब आन्दोलन तबा लमनी च क्ल्ह्योरी म्हगर नी थारु स्योमकुनुन टिवा क्ल्ह्यो मवले च प्रदेशै मी मगरात थरुहट विसी थेंल परिवा ताँ अध्यक्ष बरामै विइमो ।