स्याङ्गजा विरुवा–२, गाबु डाँडार्वे च्हाक्लीमेई ल्वों ल्होसार मादिई । – Tamu Times

स्याङ्गजा विरुवा–२, गाबु डाँडार्वे च्हाक्लीमेई ल्वों ल्होसार मादिई ।

हुम च्हाक्ली तमु ।
च्यु ङ्हि पुष, स्याङ्गजा
स्याङ्गजा विरुवा–२ गाबु डाँडार्वे च्हाक्लीमेई ल्वों ल्होसार मादिई । पुसै ८ गते नेशर छ्योप त्हें लैमारी ल्होसार सुरु लल । छ्योप त्हेंरी ताईलाई छ्याँब तदिगे भिईरी लउले अ । च त्हेरी रुप बनिईर ताई च्हाक्लीमे खेल ।
पुसै ९ गते भे च्हाक्लीमेल्वे ताई रि च्हमेरीझोगो आस्यो मादिउरी खल । ङ्यो तमुमेल्वे मादिलै परिउले आस्यो ओसो दशैरी मादिउले तोरेसरे च्हाक्लीमेई पुष १५ ल्होसाररी मादिव तैमो ।
दशेरी रिच्हमेरीझोगोई आस्यो कतीमो च्हकै प्हा बोटोलो नोईमरी यापरिमाल तोरे सरे भे च्हाक्लीमेल्व रि च्हमेरीझोगो छले नोईर याल आपरी । तोरे सरे बर्षरी तिप्ले ल्होसार मादिवे त्हरी बोतोलो क्रि प्हा मात्र पर्खइमरी कोइभे आस्यो आदिम । च्हाक्लीमेई ल्होसार मादिवे त्हीरी रि च्हमेरीझोगोलाई दे चिव म्हीँई योईटो छ्योप त्हे लबे रुपनी चे ख्यामइमरी आशिमाला विल ।
ताई रि च्हमेरीझोगो ताई तुईमरी चब थुब लैमरी खेमेखेमे ताई ल्होसारै आशिमाला पिव त्होब सुख दुःखई ताँझोगो लब सेईमरी रमाइलो लल ।
चु ओसो मादिवे ल्होसारल्वे छ्योप त्हें नासर्वे प्हच्यु चिव राम बहादुर नि मुसा तमु लल ।

च्हाक्लीमेई मादिव चु ओसोवे ल्होसार अ । तारेसरे भे सधै छलेईम मादिईमरी याब आस्यो ल्होसारी मादिव भिईमरी कार्यक्रम संयोजक बडा नं–२ वे ४ नं टोल संयोजक कर्ण सिं तमुई भिईमो । छलेईन राष्ट्रिय युवा संघ स्याङजा जिल्लावे संयोजक थमन तमुई च कार्यक्रम चलिल ।