कोरोना लैदिवले नयाँ रेकर्ड– कुच्यु हजार ङिच्यु जनारी म्रोई – Tamu Times

कोरोना लैदिवले नयाँ रेकर्ड– कुच्यु हजार ङिच्यु जनारी म्रोई

हुम बहादुर च्हाक्ली तमु
बैशाख, ङ्हिच्यु सों, पोखरा,
लिलिवे ह्ङिच्यु प्लि घण्टारी ङ्यो ह्युल (नेपाल)री कुच्यु हजार ङिच्यु जनारी कोरोना भाईरस म्रोईमो । स्वास्थ्य जनसंख्या मन्त्रालय विहीबार तेवे तथ्यांक तिसम्मवे रेकर्ड लैदिवले म्रोईमो । चुओसो बुधबार ह्युलरी प्रच्यु टु हजार ङाच्यु कु जनारी ल्हैदिवले मोल भे ङच्यु प्र म्हि सिल ।
मन्त्रालय विहीबार पि.सि.आराईटो ङ्हि चयु हार सोप्ह्र टुच्यु ङि नि एन्टिजेनाईटो ङिप्रह ङिच्यु ङा जनाई जाच्दीमई प्रेकु हजार ङिच्यु नि प्रह जनारी ल्हैदिवले म्रोईमो । छलेई लिलि ङिच्यु प्लि घण्टारी ङच्यु प्लिई सिईमो । चुनिप्रे ह्युलन्होरी कोरोना ल्हैदिवले सों लाख टुच्यु प्रे हजार ङाप्रह प्रेच्यु नि सवे म्हिझोगो ङ्हि लाख कुच्यु ङ्हि हजार प्लिप्रह कुचयु फेईमो । लिलि ङ्हिच्यु प्लि घण्टारी ङ्हिच्यु ङि प्रह ङिजान सवले मन्त्रालय भिईमो । छलेई सिवे म्हिझोगो सों हजार ङा प्रह ङ्हिच्यु कु फेईमो ।