तिले प्रेच्यु ङ्हिप्रह प्रेच्यु ङि कोरोना ल्हैदिई, ङच्यु सों म्हि सिई भे सोंच्युसों प्रह ङिच्यु सई – Tamu Times

तिले प्रेच्यु ङ्हिप्रह प्रेच्यु ङि कोरोना ल्हैदिई, ङच्यु सों म्हि सिई भे सोंच्युसों प्रह ङिच्यु सई

हुम च्हाक्ली तमु,
बैशाख, ङ्हिच्यु ङ, पोखरा,
ङ्हिच्यु प्लि घणरी कोरोना भाईरस ल्हैदिवले प्रेच्यु ङ्हिप्रह प्रेच्यु ङि फेईमो । स्वास्थ्य नि जनसंख्या मन्त्रालय शनिबार विवे जानकराी दुले जिल्लाल्वे प्रयोगशालारी च्युङिहजार सों सय च्युङ पिसिआर लमईले प्रेच्यु ङ्हिप्रह प्रेच्यु ङि जना ल्हेदिवले म्रोईमो । चुनिप्रे नेपालरी तोकोसम्म सों लाख प्रेच्युङहजार प्रे प्रह चु फेईमो ।
छलेईन ङच्यु सों म्हिझोगो सिईवले मन्त्रालयई भिईमो । चु लईमारी सो हजार टु सय सोंच्यु टु फेईमो । ङिच्यु प्लि घण्टारी एनिटजेन विधिईटो कु सय कुच्यु प्रे लमईले क्रिप्रह सोच्यु क्रि जनालाई म्रोईमो ।लिलि ङिह च्यु सों हजार सोंप्रह ङिच्यु जना सईमो । तोकोसम्म सवे म्हिझोगो ङ्हि लाख कुच्युप्रे हजार ङ सय टुच्यु ङ फेईमो ।
नेपालरी कोरोना ल्हेदिवे म्हि प्रेच्यु सों हजार प्लि प्रह कुच्यु प्रे फेईमो ।क्वारेन्टाईनरी म्हवे म्हिझोगो सों प्रह कुच्यु प्रे मवले मन्त्रालयई भिइमो ।तोकोसम्म पिसिआर लवले ङ्हिच्यु टु लाख च्युङ हाजर ङि प्रह ङ्हिच्यु मो ।