वेला याउले नि आखवे म्हिझोगोलाई धिंधिंर याईमरी कोरोना खोप लईदिउरी सर्वाेच्चई आदेश – Tamu Times

वेला याउले नि आखवे म्हिझोगोलाई धिंधिंर याईमरी कोरोना खोप लईदिउरी सर्वाेच्चई आदेश

हुम च्हाक्ली तमु
पोखरा,

सर्वाेच्च अदालतई बेला याउले म्हिझोगो नि आखाउले म्हिझोगो केन्द्रसम्म खलआमईले चमेलाई धिंरै र्यामरी कोरोना खोप लईदिउरी सरकारई आदेश विईमो ।
संबैधानिक हकई प्रचलनई परिप्रेक्षरी खोप केन्द्ररी यालआखमई बेल योवे म्हिझोगो, क्ल्होरै म्हवले प्रलआखबले, अस्पतालई लेई वेलासम्म नब भिवले नि अरु भन्दा दे फरक क्षमता तउले, मिखु आम्रोबले म्हिझोगोई लागी सर्वाेच्चई आदेशर भिईमो । ह्युुलई वडा –वडाईटो ल्हैदिव खर्च त्हुुईमरी खले तम चमेल्वेलाई स्याईमरी धिं–धिंर याईमरी कोरोनाई खोप पिव कार्यक्रम नि बेलाझोगो क्ह्रिलबवे कार्यक्रमझोगो चलिउ भिईमरी अर्काेझोगोई मिरी चु अन्तरिम आदेश लईमो ।
संविधानरी नागरिकई स्वास्थ्य सेवारी ताईलई प्रे लबे हक तईमरी संरक्षण लबले धारा ४१सई बेल याउले म्हिझोगोलाई राज्यईटो विशेष संरक्षण नि समाजिक सुरक्षाई हक तब भिईमरी मौलिक हकई दुुले संबैधानिक मोई हकसमेत सुरक्षित तबले सर्वाेच्चई आदेशरी भिईमो ।