तियासरे फेरी कास्कीरी सवारीसाधनई जोर विजोर सुरु तै – Tamu Times

तियासरे फेरी कास्कीरी सवारीसाधनई जोर विजोर सुरु तै

हुम च्हाक्ली तमु,
भदौ २, पोखरा
कारोना ल्हैदिवले म्हिझोगो बेल्ले बढीईमरी प्रशासनई तिसरेपोटो कासकीरी सवारी साधानरी जोर विजोर चलिलईमो । प्रशासनई भिसरे जोर गते जोर नम्बर सवारी साधान नि विजोर दिनरी विजोर नम्मर सवारी साधन चलिवले तैमो ।
प्रशासनई भिसरेपोटो पुलिसई पोखरारी जोर विजोर लाई दे पोले चेकजाँच लईमो । पुलिसई पोखराल्वे मुख्य चोकझोगो महेन्द्रपुल, बगर, चिप्लेढुङगा, अमरसिंह चोक, बद्धचोक, पृथ्बीचोक, जिरो किलोमिटर तवे क्ल्हो क्ल्होरी चेकजाँच लमैले दर्जनौ सवारी क्हाईमो ।
के आरेवे त्हीरी बाहिर प्रवे सवारी साधनझोगोलाई पुलिसई क्हाब पुलिसई भिईमो । चेकजाँचरी पोखराल्वे विभिन्न क्ल्होझोगो तोकोसम्म १८८ वट दुुईपाङ्ग्रे सवारीझोगो नि १९ वटा चार पङग्रे सवारी झोगो क्हाउले जिल्ला ट्राफिक प्रहरी कार्यलय कास्कीई प्रमुख प्रहरी निरिक्षक अमृत बस्नेतई भिर्यमो । चई कासकी री मात्र जोर विजोर लबले तैमरी पोखराईो बाहिर याउले नि खवले सवारी साधनलाई सहजजै लागी पासई व्यवस्था लवले भिईमो ।
आचलिदे आतव सेझोगो भे जोर विजोर तलआपरिव भिईमो । प्रशासनई ३ गते म्हिसर १२ बजेईटो सुरु तैमरी भदौ १० गते म्हिसर १२ बजेसम्मई लागी क्रि साता निषेधाज्ञाई समय थप्दिईमो । जिल्लारी चुओसो निषेधाज्ञ जारी लवले ताई क्षेत्ररी फेरी सतक्रि बन्द लईमो । प्रशासनई जारी लवले विज्ञप्तिरी खेवे क्ल्होर पसेझोगो प्हखैमारी आखेमिव नि ओसो तवभिवले जाँचझोगो आलमिन भिईमो ।
भिडभाड लव नि जुलुस लउरी आयोव तईमो । ओसो लम भिवले विवाहई कार्यक्रम भे खेई धिंरै १ जना मात्र सामेल लईमरी खामो भिईमो । छलेई सार्वजनिक सावारीई म्रारी सेनिटाईजरै व्यवस्था ललपरिव, अनिवार्य मास्क खेलपरिव नि चिलिवले सहयोगीई मास्क नि फेस शिल्ड नि पञ्जा समेत खेलपरिव प्रशासनई आदेस पिईमो ।