माफी ¥िह्रइमरी राजीनामा विउरी अल्टिमेटम, (गण्डकी प्रज्ञाप्रतिष्ठानई कुलपतिलाई) – Tamu Times

माफी ¥िह्रइमरी राजीनामा विउरी अल्टिमेटम, (गण्डकी प्रज्ञाप्रतिष्ठानई कुलपतिलाई)

चैत्र १७ गते बुधबार, पोखरा
तमुमेल्ले इतिहाँसै बारेरी आतब ताँझोगो प्हिई भिम्दै गण्डकी प्रज्ञा प्रतिष्ठान कुलपति सुर्य खड्का विखर्चीलाई माफी ¥िह्रइमरी राजीनमा पिउरी अल्टिमेटम विइमो ।
बिखर्चीई तमुरी थेब नि च्योब जात मबले किताब प्ह्रिबले ताँ खखाईमरी चल्वे बेल्ले विरोध लैमो । २४ घण्टान्होरी गण्डकी प्रज्ञाप्रतिष्ठानई कुलपति खिई खइमरी भमु संघसंस्थाल्े अगुवाझोगङर प्ह्रिइमरी माफ ह्रिलपरिव छलेई ४८ घण्टारी राजीनामा पिलपरिव तमुमेई निर्णय लईमो ।
सामाजिक सञ्जालरी तमु सांस्कृतिक प्रतिष्ठान नेपालई निबर्तमान अध्यक्ष चिजकाजी तमुई तई म्हि तमईले खनाईटो विभेद खई भिईमरी ङ्योल ? तमुई प्ह्रिईमो ङ्यो ताई क्रिई अ । म्हिल्वे को उल्क्या नि ङ्यो क्रिई अ । फरक मोवले ङ्योई लबले के अ । खनी मो विभेदकारी च्योने थेउले जातजातई ताँ ?
छलेई तमु साहित्यिक मञ्च नेपालई प्ह्रिवलेलाई कडा कारवाहीई ललपरिम भिम्दै खेवे किताब चुवरी रोक्दीलपरिम भिईमो । मञ्चल्वे अध्यक्ष गौरी तमु नि महासचिव रोशनी तमुई तत्काल किताब चुव पाउरी रोक्दीउरी नि चुवरी तयार तवे ताई किताबझोगोलाई नष्ट लउरी माग लैमो ।
ग्ण्डकी प्रज्ञाप्रतिष्ठानई कुलपती विखर्चीई २०७८ कात्तिकरी प्रकाशन लवेले लम्जुङ नि पृथ्वीसुब्बा मिई बिताब तमु जातिझोगोल्वे तक्होर्वे प्ली जात नि मप्हीर्वे १६ जात भिईमरी भिईमो । चु चार जातर्वे भिईमरी प्ह्रइमो । विज्ञाप्तिरी भिइमो, चु वाक्याई प्रयोग लैमरी तमु समुदाई आत्मसम्मानरी असर लब नि तमुझोगोरी छुट्टेव के लमईले ङिल्वे गम्भिर ध्यानाकर्ष तईमो । सार्वजानिक पद किव म्हिईईटो छतव के आतबे तथ्यहीन किताब प्ह्रिबरी खेदजनक लैमो ।
छलेईन कुलपति विखर्चीई बुधाबार विज्ञप्ति तेईमरी चु वाक्य परिमार्जन लैमरी १ महिना ओसोई नै अर्काे संस्करण तेबले भिईमो । विखर्चीई चु शब्दई खाई भावनारी चोट योउरी यामईले माफी योनु भिइमो ।
पोखरारी मवे आधा दर्जन तमु संघसंस्थाई बैठकई चु ताँझोगो प्रतिबद्धता पारित लैमो ।
१. २४ घण्टान्होरी गण्डकी प्रज्ञाप्रतिष्ठानई कुलपतिई भौतिक रुपरी खईमरी तमु संघसंस्थाई अगुवाझोगोनी लिखित माफी ह्रिलपरिब ।
२. ४८ घण्टान्होरी राजीनामा विलपरिब
३. तोक्दिब वेलारी माफी ह्रिईमरी राजीनामा आपिय संघर्ष समितिई नेतृत्वरी गण्डकी प्रज्ञाप्रतिष्ठानई कुलपतिई कार्यलय घेराउ नि तालाबन्दी लब ।
ह्ुम गुरुङ अध्यक्ष तमु धीं नेपाल, हितकाजी गुरुङ्ग अध्यक्ष ः तमु प्ये ल्हु संघ केन्द्रिय कार्यसमिति,
विष्णु मायाृ गुरुङ, केन्द्रिय सदस्य तमु ह्योला छोंज धीं गुरुङ राष्ट्रिय परिषद,
दिलमाया गुरुङ, उपाध्यक्ष स् तमु ह्युल छोजधीं गुरुङ राष्ट्रिय परिषद गण्डकी प्रदेश,
गुञ्जबहादुर गुरुङ अध्यक्ष गुरुङ फिल्म एसोसिएसन, सु इन्द्र बहादुर गुरुङ सह–कोषाध्यक्ष तमु ह्युृला छोजधीं गुरुङ, गैरी तमु, अध्यक्ष गुरुङ साहित्यिक मञ्च नेपाल
स्रोतः नेपालदुत पोखरा