हुम बहादुर च्हाक्ली तमु
कात्तिक, पोखरा,
अमेरिकाई अनुदानरी विवले एक लाख बढी डोज कोरोना खोप नेपालरी फेखईमो । कोभ्याक्स सुविधान्होरी विश्व स्वास्थय संगठन धजयई योलउले फाईजर खोप तिय न्हाखर कतार एरवेज विमानईटो काठमाण्डौ फेखउले अ । फाईजर खोप नेपाल खउले ओसो अ । चुओसो नेपाररी अस्ट्राजेनेका, भेरोसेल नि जोन्सन एण्ड जोन्सन खोप जोखाईमो ।
क्रि महिनारी ङ्हि डोज जोलपरिव फाईजर खोप १२ बर्षक्वाईवे लेवेर नवे म्हिझोगोलाई खेमिब स्वास्थ्य मन्त्रालयई भिईमो । फाईजर खोप ९५% छ्याँब तब अनुसन्धानइटो म्रोईमो ।
स्वास्थ्य मन्त्रालयई प्रबक्ता कृष्णप्रसाद पौडेलई फाईजर खोप तोको च्वारे खमईले खबले लेवेर नवे रोगीलाई खेमिब भिई । अमेरिकाईटो तोरे पुसरी ६० लाख डोज फाईजर खोप पखवे तयारी मो । च खोप खसरे पसेझोगोलाई नि खेमिब सरकारई तयारी मो । स्वास्थ्य मन्त्रालयर्वे खोप शाखाई तिले खवले फाईजर खोपलाई मानस ७० डिग्री सेल्सिियस तापक्रमरी थेव भिईमो ।
