हुम बहादुर च्हाग्ली तमु
श्रवाण–१८, पोखरा
पोखरा–१५ नयाँगाउँरी मउले स्याङ्जा तमु ट्हो समाज धींरी तवे तमु खेगी खवे प्रतिष्ठानल्वे ओसोवे अधिवेशन तेल तै । अधिवेशनई गुमान सिं लहेगे तमुलाई क्रथे बनिइमो । अधिवेशन प्रमुख अतिथि स्याङजा तमु ट्हो समाजई क्रथे डोल बहादुर तमुई प्रमुख आतिथ्यतारी ओलेल ।
प्रतिष्ठानई तमु संस्कार, संस्कृतिई संरक्षण लईमरी खैमो । तमुमै सुँर मत्रै मौले संस्कारझोगलाई सोलवेलागीरी प्रतिष्ठानई खेगी खेवे के लईखसेमो । छलेई प्हनवे दिनरी तमुमैल्वे ताँझोगो लिलिसम्म टिलखामो ।
तिप्हना ताई आधुनिक युगै वेलारी तमुमैझोगालाई नि विभिन्न समस्याझोगा खदिईमो । तलेई तमुमै रिति निवाज, चालचलन, धर्म, संस्कारझोलाई नि न्होलैमो ।
चझोगोलाई नि च्वारे लउरी तमु प्रतिष्ठानई ओसोवे वर्षईटो खेगी खेवे के लईखइमो । चरी प्रे जना खेवे म्हीझो कु वर्षईटो सोच्यु वर्ष सम्मवे म्ही खेसेमो ।
चु केलाई ओसो भोवेलागीरी तोको से थेवे तवे म्हीझोगाई मुई विइमरी सहयोग लईासेमो । सहयोग लवे म्हीझोगो बढिइमरी यासे मो ।
अधिवेसनरी खवे प्ह्रेमेझोई प्रतिष्ठानलाई सोलवेलागीरी खेमे–खेमेई क्ल्होईटो सहयोग लमिम भिईमरी भिईमो ।
अधिवेशनरी उपाध्यष यम बहादुर ल्हो तमु, सचिव हिम बहादुर प्हच्यु तमु, सहसचिव सुन बहादुर ल्हो तमु, कोषाध्यक्ष क्या. दुर्ग बहादुर पाल्चे तमु, सह–कोषाध्यक्ष क्या. उमर बहादुर प्हच्यु तमु, सदस्यझोगा डोल बहादुर पाल्चे तमु, बोम बहादुर क्रोम्छे तमु, गुमन ध्वज च्हग्ली तमु, झलेन्द्रमान क्रोम्छे तमु, तइमो । छलेई मुख्य खेवे म्ही ठउब च्हाग्ली तमु मो भे ल्होमिवे खेवे म्ही क्या. लेस बहादुर तमु नि तुल बहाुदर च्हाक्ली तमुलाई थेईमो ।
कार्यक्रमरी अनुुल्ट तेक्वान्दो डोजाङ खेमिवे म्ही, अन्तराष्ट्रिय तेवान्दो रेफ्रि नि गण्डकी प्रदेश खुलकुद परिषई सदस्य रेखामाया च्हाग्ली तमुस्योलाई सम्मानई नि लल ।
अधिवेशनरी विशेष अतिथि लेप्टेन पूर्ण बहादुर तमु, सुब्दार देव बहादुर तमु, मुख्य मन्त्री तथा मन्त्री परिषद कार्यालय उपसचिव तेज बहादुर च्हाग्ली तमु, तमु प्ये ल्हु संघ गण्डकीई अध्यक्ष कुल प्रससाद तमु, पोखरा महानगरपालिका ङा च्यु वडा सदस्य बलराम पौडेल नि अरु अतिथिझोगो खईमरी समाज धींरी कार्यक्रम ओलेल ।
