हुम बहादुर च्हाक्ली तमु
चैत्र ङ्हि च्यु ङि, पोखरा
चैत्र ङ्हि च्यु प्लीगते सम्म कास्कील्वे मादी गाउँपालिका ङ्हि, ताङतिङरी लवे महाधिवेशनई लालाई अध्यक्षरी च्यु क्रि सदस्यी समिति बनिईमो ।
महाधिवेशनरी उपाध्यक्ष खिमा तमुस्यो (कास्की), महासचिवरी चित्र बहादुर तमु (चितवन), सचिवरी कोम बहादुर तमु (रुपन्देशी) नि कोषाध्यक्षरी अनिता तमुस्या (गोरखा)लाई बनिईमो ।
सदस्यझोगोरी केशन तमु (गोरखा), किरण तमुस्यो (कास्की), दोलख तमु (धादिङ), इन्द्र बहादुर तमु (कास्की), केशव तमु (काठमाण्डौ) नि दान बहादुर तमु (चितवन)लाई बनिव ताँ बनिउरी टिवे समितिल्वे संयोजक अनिता तमुस्योई भिईमो । चु तवे नयाँ समितिझोगो के लवेवेला सो वर्षसम्म तमो । ्
महाधिवेशनई गण्डकी प्रदेश कृषि, उर्जा नि जलस्रोत मन्त्री वेद बहादुर तमु (श्याम)ई जाती अस्तित्व, नि सामाजिक मान्यता, पहिचान नि अधिकारई लागी तमु सञ्चारकर्मीई प्ह्रवे के सधै ललपरिव ताँ भिईमो ।
सो दिनसम्म चलिवे महादिवेशनरी च्यु क्रि ङी बुँदे घोषणपत्र नि जारी लैमो । तमु सञ्चारकर्मीझोगो दे नजिक तसी ह्रोसे नि व्यवसायि झोगोलार्य बैले छयाँब लाबके झोगो लखमु, थेवे सञ्चारमाध्यमरी खले के लबे अवसरझोगो बनिव, तोरे खव तमुमेझोगोलाई खले खलब, खले राष्ट्रिय स्तरर्वे समाचार माध्यमझोगारी कार्यक्रम बनिव ताईलाई पो लबे कार्यक्रमझोगा बनिब निर्णय लैमो ।
राष्ट्रिय सञ्चारमाध्यमझोगोरी संविधानरी व्यवस्था तवे समावेशी ऐन नियमझोगा कार्यानवयन लैमरी ऐन नियमर आपरिवे ताई व्यवस्थाझोगो तोकोई संशोधन लैरी पो लव, ताई क्यूईझोगोलाई संरक्षण नि सम्बदृनई लागी चैदिवे नीति नि मार्यक्रमझोगो बनिईमरी कार्यान्वन लबरी सों तहर्वे सरकारलाई दबाब पिवे घोषण पत्ररी भिईमो
छलेई आदिवासी जनजाति झोगरी क्यू, बन, नि सलाई चमेल्वे स्योमकोतो धार्मिक, साँस्कृति, ऐतिहाँसिक नि जनजीविकाई लागी च क्ल्होरी तवे किवाई केझोगोरी स्थानीय आदिवासी, जनजातिई अधिकारलाई ओसो थेईमरी चमेल्वे ताई अधिकारझोगो पिउरी सरकारनि जोड विव ताँ घोषणपत्ररी प्हिैईमो ।
