हुम च्हाक्ली तमु
जेठ सोंच्यु, पोखरा
कास्की जिल्लारी जेठ सोंच्यु क्रि (३१) गते म्हिसर च्यु ङ्हि बजेईटो असारै ङा गते म्हिसर च्यु ङ्हि बजेसमम प्रलआमिब तैमो ।
कास्की प्रशासनई नयाँ भेरियन्ट मवे कोभिड १९ ल्हैदिवे म्हिझोगो च्युकुदे तलेनि तोको मेउदुले नियन्त्रण आतमैले चु ओसो लउले प्रलआतबले लउले दोकानझोगो च्युकुदे खुल्ला लउले आचलिउले थप्दिईमो ।
जिल्ला कोभिड व्यवस्थापन केन्द्रल तिवे बैठकई च निर्णय लइमो । कास्की जिल्लारी बैशाख १५ईटो निषेधा आदेश लल । संक्रमण दर बढिईर यामईले जेठ ३१तगे सम्म ललभे तोको फेरी थप्दिउले अ ।
जिल्ला प्रशासन कार्यलय कास्कीई निषेधाज्ञारी चु ओसो १ घण्ट थप लैमरी बेल्ले चैदिवे से चौसेझोगो चुव किव लउरी नखर ५बजेईटो १० बजेसम्मखुल्ला लब तैमो । च त्हिरी आतदे आतव सेझोगो दोकान व्यवसाय नि डिपार्टमेन्टल स्टोर्स खुलिव तैमो । चब से, त्हा,क्यु, फलफुल, ङ्या दिनदिनै चैदिवे सेझोगो नजिकाईटो किव लब तर चैलागी सवारीसाधनझोगो आचलिब भिईमो ।तरकारी फलफुलझोगो थोक विक्रेताई खुद्रा विक्रि वितरण लउउरी आयो ।
ताजा ङ्या नेसर ५ बजेईटो नेसर ७ बजृसम्म नजिक चिस्यान केन्द्र जम्म लवे क्लोरी फेलब चुलआयोगब । चुपाली विकासै केझोगो चुवे दोकानझोगो ५ बजेईटो ७ बजेसम्म खुलिउरी योमो ।
सर्वसाधारणनै मोई, चवसे, नि आरेदे आतव सेझोगो किउरी बाहेक अरु त्हिरी बाहिर त्होउरी आयो । सार्वजनि सेझोगो निजी सवारी साधन असार ७ गते म्हिसर १२ बजेसम्म चलिउरी आयो । आरेदे आतव सेझोगो नोवे सवारी साधन, नवे नि कुरिवे म्हि नोव एम्बुलेन्स, स्वास्थ्यकर्मी नि सुराक्षकर्मिई चलिवे सवारी साधन चलिउरी योम ।
