हुम च्हाक्ली तमु
असार १, पोखरा
गण्डकी प्रदेश सरकारै तोरेवे वर्षई लागी ३० अर्व ३ करोड ९४ लाख बजेट सार्वजनिक लैमो । मुख्यमन्त्री कृष्ण चन्द्र नेपाली पोखरेललई आ.ब. २०७८÷०७९ लागी प्रदेश साई तेवे बजेटई मध्ये चालु तर्फ १३ अर्व ६ करोड ४७ लाख, पुँजीगत तर्फ १६ अर्व ७३ करोड ४६ लाख नि वित्तिय व्यवस्थापन तर्फ २४ करोड बजेट विनियोजन लैमो ।
प्रदेश सरकारई तोरेवे आर्थिक वर्षई लागी सरकारई खवे वर्षई लागी विनियोजन लबले ३० अर्व ३ करोड ९४ लाखई बजेट मध्ये नेपाल सरकारईटो वित्तिय समानीकरण अनुदाई ७ अर्व ४२ करोड योईमो । सशर्त अनुदाय ४ अर्व १८ करोड, समपुरक अनुदान ८७ करोड, विशेष अनुदान ५४ करोड, राजश्व पाउरी ७ अर्व ६२ करोड नि रोयल्टीईटो ३० करोड योउ अनुमान लैमो । चरी प्रदेशई ४ अर्व ९७ करोड आन्तरिक आम्दानीई व्यहोरेमो । चु वषर्् खर्च आतवले २ अर्व १० करोडईनी नि बजेटरी कोईमो । आयोउले २ अर्व मध्ये मन्होर क्ष १ अर्व नि नेपाल सरकारईटो १ अर्व छेईटो योलब कृष्णचन्द्र नेपाली पोखरेलई भिईमो ।
खिई वित्तिय समानीकरण अनुदान स्थानीय तहलार्य १ अर्व १० करोड रुपैया, प्रदेश न स्थानीय तहई साझेदारीई लाग प्रत्येक पालिकाई १ करोड रुपैयाँ प्रदेश सरकारई विनियोन लउले भिई ।
एकल कर प्रशासनईटो जम्म तबले स्थानीय तहई राजश्व पाउले ६० करोड विनियोजन लउले मुख्यमन्त्री पोखरेलई भिई ।
चई प्रदेशर कोरोनाईटो सिईभे जानलाई प्रदेश सरकारई ५० हजार रुपैयाँ राहत उपलब्ध गराउने र कोरोनाबाट अभिभावक गुमाएका असाहाय बालबालिकाका लागी मासिक ५ हजार दरले उपलब्ध गराईने बताए । सरकारई बहुभाषी पोषण कार्यक्रर्म निरन्तरता विव चै लागी १ करोड ५० लाख मुई विनियोजन लैमो । संघ सरकारई सहयोग ताई जिल्ला अस्पतालई २५ साईटो ५० शैया नि धौलागिरि अस्पतालई स्तरोन्नती ल चई भिई ।
प्रदेश प्रमुख पोखरेलई प्रदेशई प्रत्येक जिल्ला अस्पतालझोगरी २ ईटो ५ शैयाल्वे मोय लवे क्ल्हो बनिब नि मिखु, डायलाइसिस, ज्येष्ठ नागरिक वार्डझोगोई पूर्वाधार बनिवेलागी बजेट विनियोज लउले भिई । खिई नवलपुरई मध्ये विन्दु अस्पताल, तनहुँई दमौली अस्पताल, बाग्लुङई धौलागीरि अस्पताल, पर्वतई भीरकोट अस्पतालई ट्रमा सेन्टर्र रुपरी स्तरोन्नती लब नि गोरखाई आँपपिपल अस्पतालई ५० शैयल्वे बनिब भिइेमो ।
गण्डकी विश्वविद्यालयरी ३५० शैयाई जनरल, ५० शैयई ति रोग, ५० शैयाई अर्बुद नि ५० शैयाई मिगौला रोग अस्पताल बनिबे लागीरी बजेट निनियोजन लउले पोखरेलई भिई ।
